Lente & Teknologjitë - E ardhmja e shikimit, sot në Italoptik
TRAJTIMI ANTIREFLEKS
Antirefleksi është një trajtim i sipërfaqes së lentes që përdoret për të eliminuar reflekset e rrezeve të dëmshme UV, për mbrojtjen ndaj tyre deri në 92–100% dhe për të rritur transparencën e shikimit të lentes. Antirefleksi gjendet në disa ngjyra: jeshile, lejla, blu, dhe kohët e fundit është prodhuar edhe një tip tjetër antirefleksi, i bardhë.
TRAJTIMI BLU CONTROL
Nëse kaloni shumë orë para kompjuterit apo telefonit, këto lente filtrojnë një pjesë të dritës blu të ekraneve, ulin lodhjen e syve dhe e bëjnë punën më të rehatshme. Ofrohen te lentet organike me indeks të lartë (1.61, 1.67, 1.74).
LENTE FOTOKROMATIKE
Brenda, lentet kanë vetëm rreth 10% ngjyrë. Kur dilni jashtë, errësohen vetë deri në 50–60%, si syze dielli. Sa më e fortë drita, aq më e errët bëhet lentja. Një palë syze për gjithë ditën.
LENTET TITAN
Italoptik është e vetmja optikë në Shqipëri që punon lentet Titan. Përdoren për numra të lartë të miopisë, sepse përthyejnë dritën më fort se lentet organike. Kështu edhe me numër të lartë, syzet mbeten më të holla, më të lehta dhe më estetike.
LENTE ORGANIKE
Janë lentet më të përdorura në botë: shumë të lehta dhe nuk thyhen. Në Italoptik, 95% e lenteve organike i punojmë me antirefleks, për një shikim më të qartë çdo ditë.
LENTE PASQYRE
Kanë një shtresë të jashtme pasqyruese që ul dritën e fortë që hyn në sy. Janë të rehatshme në det, në mal dhe në sport, dhe kanë një pamje moderne.
LENTE PROGRESIVE ME AI
Një palë syze për larg, për kompjuterin dhe për lexim. Në dhjetor 2025, Italoptik solli për herë të parë në Shqipëri lentet progresive të projektuara me inteligjencë artificiale. Sipërfaqen e tyre e gdhendin robotë me saktësi shumë të lartë, dhe kanali i shikimit është më i gjerë, prandaj shihni më qartë dhe mësoheni më shpejt.
Për kë është: për këdo që i duhen syze edhe për larg, edhe për afër, zakonisht pas moshës 45 vjeç.
LENTET MYOSTOP PËR FËMIJËT
Lentet MyoStop janë krijuar për fëmijët me miopi. Ato korrigjojnë shikimin dhe njëkohësisht ngadalësojnë rritjen e numrit vit pas viti. Janë të paktën 25% më të holla se lentet standarde. Italoptik i solli për herë të parë në Shqipëri.
Për kë është: për fëmijët dhe adoleshentët me miopi.
LENTE POLARIZUESE
Lentet polarizuese ndalojnë shkëlqimin e fortë që vjen nga deti, rruga e lagur ose bora. Ngjyrat duken më të qarta dhe sytë lodhen më pak. Mund të bëhen edhe me numër.
Për kë është: për ata që ngasin shumë makinë, për detin, malin dhe sportin.
NUK E DINI CILAT LENTE JU DUHEN?
Na tregoni si i përdorni sytë gjatë ditës: në makinë, në kompjuter, për lexim apo për sport. Pas vizitës, okulisti dhe optikët tanë ju rekomandojnë lentet që ju përshtaten më mirë.
